Sykler Noreg på langs

– Hei, traff ein gjeng sprekinger som hadde sykla frå Nordkapp. No hadde dei eit pitstop på Amfi Os før ferden skulle gå vidare mot Lindesnes fyr, fortel Valter Midtsæter i ei melding til Midtsiden.

Gjengen med syklistar viser seg å ikkje sykle berre for å sykle, men med eit større formål, nemleg å skape blest om Trade for Hope.

Trade for Hope er eit prosjekt som Kitch'n Foundation har i samarbeid med frelsesarmeen sitt etiske handelsprosjekt Other kor produksjon av handlaga kvalitetsprodukter gir viktig arbeid for utsatte menneskjer i Bangladesh, Pakistan, Kenya og Moldova, opplyser dei på heimesida si.

25. juli satte syklistane seg på sykkelsetet på Nordkapp. Etter planen skal dei kome til Lindesnes førstkommande sundag.

Etappa om Os gjekk frå Bergen via Fyllingsdalen og Fana til Os, så vidare til Halhjem og ferja over til Sandvikvåg før den blei avslutta i Leirvik.