Sport | 17. aug. 2016

Spanske takter i Lysefjorden

Det er høg intensitet, kvalitet framfor kvantitet når Carlos Cuesta og Juan Coronel instruerer på fotballskule i Lysekloster.

Spanske takter i Lysefjorden
Full fokus og spel på små flater når det er spansk fotballskule i Lysefjorden (Foto: Andris Hamre)
Andris Hamreonsdag 17. aug. 2016 09:12

Bildeserie:

35 fotballspelarar har vore med på den spanske fotballskulen (Foto: Dagfinn Breivik, Lysekloster)
35 fotballspelarar har vore med på den spanske fotballskulen (Foto: Dagfinn Breivik, Lysekloster)
Carlos Cuesta har Europas høgste trenarutdanning, UEFA Pro Licence (foto: Dagfinn Breivik, Lysekloster IL)
Carlos Cuesta har Europas høgste trenarutdanning, UEFA Pro Licence (foto: Dagfinn Breivik, Lysekloster IL)
Full fokus (foto: Dagfinn Breivik, Lysekloster IL)
Full fokus (foto: Dagfinn Breivik, Lysekloster IL)
Trenarteamet (foto: Dagfinn Breivik, Lysekloster IL)
Trenarteamet (foto: Dagfinn Breivik, Lysekloster IL)
1 av 4
35 fotballspelarar har vore med på den spanske fotballskulen (Foto: Dagfinn Breivik, Lysekloster)
Carlos Cuesta har Europas høgste trenarutdanning, UEFA Pro Licence (foto: Dagfinn Breivik, Lysekloster IL)
Full fokus (foto: Dagfinn Breivik, Lysekloster IL)
Trenarteamet (foto: Dagfinn Breivik, Lysekloster IL)

Lysekloster har gjort det til ein tradisjon å invitere til spansk fotballskule før den vanlege skulen startar opp om hausten.

– I år har vi 35 barn fødd frå 2002 til 2007 med. Nokre har blitt sjuke i løpet av veka, så no er vi vel 30 på feltet, fortel Ståle Steen Sæthre, ansvarleg for fotballakademiet og fotballskulen i Lysekloster.

Skulen starta laurdag og blir avslutta i dag onsdag.

Trenarar med Europas høgste utdanning

Til å leie treningane har Carlos Cuesta og Juan Coronel teke turen frå Spania. Begge er tilknytta Atletico Madrid og er vel utdanna.

– Begge to har UEFA Pro Licence, som er den høgste trenarutdanninga du kan ta i Europa. Juan er koordinator for barne og ungdomsfotballen der nede. Carlos er trenar for U14-laget. I tillegg er han i ferd med å avslutta ei fireårig utdanning innan sports science. Ei utdanning han tek på to og eit halvt år. Han er ein dyktig ung trenar med store ambisjonar, fortel Steen Sæthre.

I tillegg til dei to spanjolane stiller Lysekloster sjølv med Martin Eidsvik, Denis Ljubović og nemnde Sæthre også dei med trenererfaring og -utdanning, men denne veka er det dei spanske trenarane som har det sportslege opplegget.

Disiplin og kvalitet

I følgje Steen Sætre er den største skilnaden mellom den spanske måten å trene på og den norske ligg i måten ein byggjer opp treningene på.

– Dei vil ha kortare sekvenser og meir fokus på taktiske og tekniske val enn vi er vande med. I tillegg er intensiteten og disiplinen mykje høgre.

– Der nyttar dei ball i alt dei gjer, men ungane rører ikkje ballen før trenaren har fortalt kva oppgåva går ut på, forklarar Steen Sæthre.

Lange dagar

Med fotballskule frå 9-15 kvar dag innrømmer Steen Sæthre at det blir lange dagar.

– Eg må innrømma eg byrjer å bli sliten no. Det trur eg ungane også er, smiler han.

– Opplegget vi følgjer er 50 minutt trening, 10 minutt pause og så ein runde på 50 minutt før vi går til mat. Etter maten er det nye runder med treningar, så det blir intenst. Vi ser at konsentrasjonen fell utover dagen, så det er mogleg vi gjer justeringar til neste år.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.