Skule eller gardsdrift?

Skulebruksplanen: Området Os kommune har som «klart førsteval» for ny skule er samstundes «kjerneområde for landbruk».

Kjetil Vasby Bruarøytirsdag 26. okt. 2010 13:21

I ettermiddag skal skulebruksplanen handsamast i kommunestyret og i planen er eit 23 dekar stort område mellom gartneria på Moberg og Halhjemsvegen definert som eit klart førsteval.

- Heile det aktuelle området ligg inne i kommunedelplanen og i sentrumsplanen som LNF-område. Om tomta blir brukt til skule vil 25 dekar med fulldyrka areal forsvinna frå det som i dag ligg inne i forslag til landbruksplan som «kjerneområde for landbruk», skriv ein grunneigar på Moberg i ein epost til midtsiden.no i dag.

Det er i dag aktiv drift med grasproduksjon for husdyr i området.

- Viss kommunestyret vedtar skulebruksplanen med dette området som førstaval for bygging av ny ungdomsskule kan det bety kroken på døra for fleire som driv gard i området.