Sesongstart på bygdekinoen

Etter ei sommarpause er det igjen kinotid i Oseana. Først ut er dei to filmane Istid - På kollisjonskurs og den nyaste filmen i serien om CIA-agenten Jason Bourne, spelt av Matt Damon som nettopp har vitja Noreg for å spele inn ein annan film.

Istid - På kollisjonskurs

Scrats episke jakt på eikenøtta slyngjer han rett ut i verdsrommet i den femte Istid-filmen. I verdsrommet steller han i stand katastrofe på katastrofe, som snart truar livet til alle venene våre i Istid-verda.

For å redda seg, må Sid, Manny, Diego og resten av flokken forlata heimen sin og leggja ut på ei eventyrleg reise.

På vegen treff dei mange fargerike karakterar og havnar sjølvsagt i mange komiske situasjonar.

Stemmene til hovudrollene er nok ein gong Dagfinn Lyngbø, Otto Jespersen, Sven Nordin og Linn Skåber.

Tillatt for alle, lengde 1 time 34 minutt

Jason Bourne

Den tidlegare CIA-agenten Jason Bourne blir tvungen ut i dagslyset igjen etter sju år på flukt.

Etter kvart som minna om kven han eigentleg er blir klårarer, ønsker han å finna dei siste bitane av puslespelet.

Matt Damon er tilbake i rolla som verkeleg gjorde han verdskjend, og Paul Greengrass ("The Bourne Supremacy", "The Bourne Ultimatum") er på plass igjen i regissørstolen. I filmen speler også blant andre Alicia Vikander, Vincent Cassel, Julia Stiles og Tommy Lee Jones.

Aldersgrense 15 år, Varigheit 2 timer og 3 minutt