Seglbåt kollsegla

Litt før klokka 18 onsdag ettermiddag kom det melding om ein seglbåt som hadde kollsegla utanfor Askvik.

Redningsmannskap rykte ut.

– Det blei slått full alarm. Hovedredningssentralen koordinerte aksjonen, og både helse og politi var kopla på, seier varabrannsjef Erik Walden.

I mellomtida kom det melding om at båten var på rett kjøl igjen.

– Vedkomande om bord er uskadd, alt er ok.

Det var to vaksne menn om bord, opplyser politiet torsdag.

Dei skal ha drive sportssegling i ein mindre katamaran, og hadde sin eigen metode for å snu båten. Men det var litt ekstra vind i går, så dei kjempa ei stund før båten var på kjøl igjen.

– Då vi endeleg fekk båten i drift igjen, og fekk opp farten, oppdaga vi at vi hadde redningsbåtar etter oss, seier Klas Færøvik og ler.

Han og med-seglar Rune Walle hadde «full kontroll», og redningsbåtane kunne sendast tilbake i beredskap.