Opplevelse og kos, 5200 Os

Bildeserie:

1 av 17

Før «Os inspirerer» og «Liv på Øyro» var det ein gong noko som heitte «Opplevelse og kos, 5200».

Ein gong seint på 80-talet eller tidleg på 90-talet vart det laga t-skjorter med dette slagordet på, men det vart med det.

Folkelivet og den stemninga du kunne oppleva langs gjestebrygga- og heilt ut til terrassen på Oseana i går kveld, er best beskriven som opplevelse og kos.

Les òg: 40 bilde av 17. maitoget i Os

Jazz med eit stort smil

Oseana sin terrasse var fylt opp med smilande bunadskledde og finpynta osingar.

Det vart dansa, prata og skåla i takt med musikken.

Osøren Jazzensemble og Marita Moe Sandven på sytte for den eine musikalske perla etter den andre, og med Bjørnafjorden bada i kveldssol som bakteppe, kunne det eigentleg ikkje gjerast noko betre.

I hamna låg det båtar av alle typar, og mange såg ut til å avslutta nasjonaldagen med ein maritim fest.

På uteplassen til Peppes sat det òg godt med folk, mens andre igjen nytta gjestebrygga til å nyta siste rest av dagen utandørs.