To nye klare for Lysekloster

Lysekloster har styrka stallen ytterlegare før den tøffe haustsesongen tek til.

Dei to siste tilskota i stallen er 21 år gamle Thomas Aarsund frå Brattvåg og 20 år gamle Asgrim Tangen Farnes frå Sogndal.

– Thomas kjem frå Brattvåg og har spelt mesteparten av si tid i moderklubben, opplyser klubben på si eiga heimeside.

Han har slitt med eindel skader i vårsesongen, men har likevel fått med seg sju kamper for 2. divisjonsklubben som ligg på 9. plass med 23 poeng i si pulje. Han speler til vanleg på midtbanen, men kan i følgje klubben bekle fleire roller.

– Asgrim hugser kanskje noko frå kampen mellom Sogndal og Lysekloster i fjor, der han var med å slå ut Lysekloster frå cupen, skriv klubben.

Tangen Farnes er frå Balestrand, men har spelt dei siste sesongane for Sogndal 2, med nokre innhopp på A-laget. Han er ein angrepsspelar.