Os venstre heldt onsdag årsmøte på Peppes Pizza.
– Det var eit godt møte med god deltaking, engasjerte innlegg og gode diskusjonar, fortel leiar Glenn Erik Haugland.
Haugland blei gjenvalgt som leiar og får med seg Mari Lund Eide som nytt styremedlem.
– Mari er eit viktig og verdifullt tilskot til styret i Os Venstre.
– Med hennar bakgrunn vil ho kome til å forsterke vårt arbeid innafor skulepolitikken og markerte allereie på årsmøtet at ho har vektige innspel om korleis framtidas skule bør sjå ut i Os.
– Det er trøkk i Venstre for tida, smiler Haugland.
Lund Eide er student med bakgrunn frå mellomanna skuleverket og som trenar i friidretten i Os. Øvrige medlemmar i styret er Jon Sivert Rykkel (nestleiar), Astrid Dale og Sveinung Stensletten.