Kva er dette? Nytt fag på Os Gymnas!

E-sport, altså videospel formalisert for konkurranse, har vore populært i Asia i mange år. Dei siste åra har populariteten spreidd seg til USA og Europa, og involverer fleire hundre millionar deltakarar og publikum.

– Vi satsar på framtida og innfører E-sport frå hausten 2019, fortel rektor ved Os Gymnas, Kjersti Daland.

Fem timar i veka

Elevane kan velja e-sport som fordjupning. Det betyr fem timar i veka med treningsplanlegging, basistrening og ferdighetsutvikling.

– E-sport er eit toppidrettsfag. Dette er eit tilbod til elevar som er interesserte i gaming og som ønskjer seg studiekompetanse, seier Daland.

Aktuelle spel er Counter Strike, Overwatch og League of Legends.

Os er ikkje åleine

Det er i dag tre skular som har dette fagtilbodet. I Hordaland er det berre Arna som byr på e-sport.

Frå hausten blir det til saman seks vidaregåande skular med e-sport på menyen.

– Skulen skal informera meir om tilbodet på open kveld 13. februar.