Køyring i rus: Den eine var stolen bil, den andre kom på ferja med flatt dekk

I 23.45-tida fredag fekk politiet melding om vinglete køyring på Hatvikvegen. Bilen hadde skade i både karosseri og dekk.

Så kom ho køyrande inn på ferja med flatt dekk.

– Bilførar, ei kvinne i 60-åra, er mistenkt for å køyra med promille. Ho blei tatt med til legevakt for blodprøve, bilen blei henta av bilbergar, fortel politioverbetjent Atle Birkeland.

Det er uvisst korleis skade på bil og dekk har oppstått.

– Det blei tatt beslag i førarkortet og oppretta sak.

Tidlegare på kvelden, i 19-tida, kontrollerte politiet ein bil på Halhjem.

– Bilen var meldt stolen på Haugalandet 9. september.

Førar, ein mann i 40-åra, framsto som ruspåverka. Det blei òg funne narkotika på vedkomande.

– Han blir meldt for køyring utan gyldig førarkort, påverka av rus og for besittelse av narkotika. Og så blir det gjort vidare etterforsking i samand med tjuveriet.