Knekte nasa på nattbussen

Klokka 4.20 natt til laurdag fekk politiet melding om ein valdsepisode på nattbussen frå Bergen til Os.

– Fornærma, ein mann i starten på 30-åra tok seg sjølv til legevakt. Vi snakka med han etterpå, fortel operasjonsleiar Knut Dahl Mikkelsen i Vest politidistrikt.

Han skal ha fått nasa si knekt, ifølgje han sjølv skjedde det uprovosert.

Fornærma kjenner heller ikkje motparten frå før og identiteten hans er ukjent.

– Vi har hatt eitt vitne inne til avhøyr og vil sjekka overvakingskamera, seier Dahl Mikkelsen.

Episoden skjedde ved Joker på Søfteland.

– Var det ein av partane som gjekk på eller av bussen på Søfteland?

– Nei, ifølgje mine notatar kan det sjå ut som om det var tilfeldig at bussen var akkurat her då det skjedde.