Kjedekollisjon på Søfteland
Tre bilar med til saman seks personar var involvert i ei trafikkulykke på Søfteland i ettermiddag. Det er dirigering på staden.
Bildeserie:
Onsdag rett før klokka 16.50 kom meldinga om trafikkulykke på E39 Byvegen på Søfteland.
– Det er til saman seks involverte personar. Ingen er alvorleg skadd, men alle blir sendt til legevakt for sjekk, seier politibetjent Sindre Hallem til Midtsiden.
Minst to av desse er born.
To av tre stoppa på raudt lys
Både ambulanse, brannvesen og politi rykte ut. Det er i skrivande stund dirigering av trafikken forbi ulykkesstaden.
Ulykka skjedde ved Søfteland barneskule. Dei tre bilane hadde retning Os.
– Dei to fremste hadde stoppa for raudt lys ved fotgjengarfeltet då ein tredje bil køyrde i den bakerste.
Tok beslag i førarkort
Førar av den bakerste bilen er ein mann i 30-åra.
– Vi har tatt beslag i førarkortet til vedkomande og det blir oppretta sak, seier Hallem.