Jon Sivert Rykkel fekk fritak
Haugland og Nøttseter overtar plassen i formannskapet og eigedomsutvalet.
I april blei det klart at Jon Sivert Rykkel går frå Osbadet KF til nyoppretta stilling som konsulent for næringssjef Daniel Skotheim.
Han byrjar i den nye jobben 1. august, og har i samband med den nye rolla søkt om fritak frå alle sine politiske verv. Rykkel er i sitt sjuande år som fast medlem i kommunestyret for Venstre.
Han er i tillegg medlem i desse utvala: Formannskapet, eigedomsutvalet, fellesnemda og er politisk representant for styret i Søfteland barneskule.
– Kvifor har du søkt om fritak frå alle?
– Eg meiner det kan bli for mange situasjonar der eg føler at eg har dobbeltroller, eller der det kan bli spørsmål om eg er ugild (inhabil).
– Har du ei formeining om kor stor del av dei politiske sakene du ser for deg handlar om næringsliv, saker der du kan vera ugild?
– Nei, det er vanskeleg å seia. Derfor synest eg det var greit at kommunestyret tok denne vurderinga.
Administrasjonen ville gje fritak for 2 av 5
«Kommunestyret og fylkestinget kan etter søknad frita, for et kortere tidsrom eller resten av valgperioden, den som ikke uten uforholdsmessig vanskelighet eller belastning kan skjøtte sine plikter i vervet.»
I si saksbehandling skriv administrasjonen: Kravet til fritak er ikkje ein alminnelig «vanskelighet eller belastning» men at dette skal vere «uforholdmessig». Det er uklart i kor stor grad stillinga inneber at han vil vere ugild.
Administrasjonen sitt framlegg til vedtak:
Jon Sivert Rykkel får frå 1. august fritak frå desse verva sine i Os kommune.
• Eigedomsutvalet – fast medlem
• Politisk representant for styret i Søfteland barneskule
Jon Sivert Rykkel får ikkje fritak frå desse verva i Os kommune:
• Kommunestyret – fast medem
• Formannskapet – fast medlem
• Fellesnemda – fast medlem
Gjekk samrøystes inn for fullt fritak
Det blei ingen debatt om saka i kommunestyret tysdag kveld, men Jakob Enerhaug (KrF) la fram eit alternativt forslag til vedtak på vegne av KrF, Venstre, TvS, MDG og Senterpartiet.
I dette forslaget gav han Rykkel fritak frå alle folkevalde verv.
Plassen i kommunestyret blir erstatta etter vallista.
Enerhaug ramsa vidare opp kven som erstattar Rykkel i dei andre utvala:
Eigedomsutvalet, fast plass: Nils-Anders Nøttseter, MDG
Eigedomsutvalet, vara: Glenn Erik Haugland, V
SU Søfteland barneskule, vara: Astrid Dale, V
Formannskapet, fast plass (inkl. valstyre): Glenn Erik Haugland, V
Formannskapet, 2. vara (inkl. valstyre): Mari Lund Eide, V
Fellesnemnda, fast plass (inkl. valstyre og partssamansett utval): Nils-Anders Nøttseter, MDG
Fellesnemnda, 3. vara (inkl. valstyre og partssamansett utval): Glenn Erik Haugland, V
Forslaget gjekk til votering og blei samrøystes vedtatt.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.