Hissig gjest køyrd i arresten

Laurdagskvelden hadde ikkje blitt gamal før vaktane på Kafé Engeline hadde problem med ein gjest.

Klokka 22.45 ba dei politiet om assistanse, utan at den hissige mannen endra humør.

– Han fekk pålegg om å roa seg ned og å fjerna seg frå plassen, noko han ikkje etterkom, fortel vakthavande ved Os lensmannskontor.

Mannen, som er i 30-åra, blei pågripen og køyrd til arresten i Bergen. Han er meldt for ikkje å etterkoma pålegg frå politiet.