- Har du sett Lucky?
Lucky forsvann frå eigerane sine onsdag kveld. Har du sett han?
To år gamle Lucky bur til vanleg på Særvoll i Hagavik. Onsdag kveld omlag i 21.30-tida forsvann han frå matmor Marte Fredriksen.
- Vi har leita i mange timar både natt til torsdag og seinare utan å finna han, fortel matmor i ei melding til Midtsiden.no
Både dyremottaket på Nesttun, Falken og politiet i Os og Bergen har vore kontakta utan å finna spor etter han.
- No håpar eg at nokon kan ha sett han og kan gje oss tips om kvar han kan vera, seier Marte Fredriksen.
Lucky er ein Norfolk Terrier på to år. Han har "brett" på båe øyrene, halvlang hale og er liten. Han er gylden blond med litt raudlig underpels og store brune auge.
Han skal vera kjærlen, leken og glad i menneskjer, men ikkje like glad i andre hundar og kattar.
Har du tips i saka kan Marte Fredriksen kontaktast på 905 21 660. Du kan òg kontakta Jan Erik Særvoll, 478 35 755 eller lensmannskontoret på 56 30 39 00