– Frivillige kan melde seg hos Røde Kors

Klokka 15 i dag satte Os kommune den kommunale kriseleiinga. I formannskapet klokka 15.41 gav ordførar Marie Bruarøy (H) ei orientering frå møtet.

– Politiet håndterer redningsaksjonen med full innsats. Vi har følgd med gjennom lokale medier.

– Vi har fått orientering om at søket framleis pågår. Kommunen bistår inn mot familien i form av kriseteamet og er i tett dialog.

– I tillegg bistår vi med bevertning ovenfor hjelpemannskapene som er i området og foretar leiting.

Rosar frivillige

Bruarøy gav ros til dei frivillige som har meldt seg for å hjelpe med søket i tillegg til dei profesjonelle organisasjonane.

– Det har vore 16 frivillige i dag. Om fleire vil yte bistand i tillegg til dei organiserte ber vi dei registrere seg hos Røde Kors i Kolskogen. Der sitter også innsatsleiar frå Politiet, sa Bruarøy som fortalte at den kommunale kriseleiinga vil samlast igjen i morgon for å få ein oppdatert status.

Saka og skildring av sakna

• Mannen gjekk frå Nordmarka i 12-tida måndag
• Politiet reknar med at han gjekk stien frå Nordmarka til Tøsdal for å gå til Borgafjellet via Stemmedalen
• Han blei meldt sakna klokka 15.20 etter at han ikkje kom heim til venta/avtalt tid
• Frå 18-tida var Luftambulansen over og rundt Borgafjellet på søk
• Klokka 19.35 gjekk politiet ut med etterlysing, med skildring, namn og bilde, og ba om tips.
• Klokka 23 fekk Midtsiden tips om observasjon av ein som liknar. Denne observasjonen blei gjort i Stemmedalen klokka 16.

Skildring av sakna: 185 cm høg, normal kroppsbygning, 54 år. Han har blå auge og noko kortare hår enn på bildet, som er frå 2011. Då han gjekk heimefrå var han kledd i svart treningsbukse med loddrett, grønn stripe, svart tskjorte og truleg ein svart, tynn treningsoverdel. Han har gullkjede rundt halsen og har truleg på seg ein sekk eller ei rumpetaske. Han har ingen tatoveringar.

Politiet tar imot tips på 47 79 72 38 eller 02800.

Midtsiden når du på tips@midtsiden.no/97975200.