Ein pinse med mykje plasking i Os hamn
Stor laks lokka mange skodelystne. Om åtte dagar (og nokre timar) startar fiskesesongen.
Bildeserie:
Onsdag kveld 14. juni er dei heldige som har fått fiskekort til opningsnatta på veg til breidden på Oselvo for å gjera seg klare til startskot ved midnatt.
• Sjå videoinnslag av dugnadsgjeng på synfaring torsdag.
I helga har mange av elvefiskarane stått på Osbrua og gjestebrygga for å sjå laks boltra seg i hamna mens dei ventar på å gå opp elva.
Gjennom heile pinsen har ein god stim på ganske stor laks svømt heilt i overflata - og tatt nokre byks opp av overflata.
• Hugsar du? Tok laks på 18 kilo i Oselvo (2013)
• Midtsiden samleside: Jakt og fiske
Får påfyll av vatn før opning
Oselvo treng bra med nedbør for at den skal vera god å fiska i.
Det har regna tett måndag kveld, i natt og tysdag morgon, men det skal letta i ettermiddag og det er meldt opphaldsvêr onsdag.
Men det er venta meir nedbør seinare i veka.
Storm melder regn torsdag, fredag og laurdag - ikkje dei store mengdene, men nærmast samanhengande gjennom dagen.
Yr melder litt nedbør midt på dagen torsdag og på ettermiddagen fredag.
For helga har Yr og Storm førebels også litt ulike meldingar - der begge melder lettast vêr laurdag.
• Sjå detaljert vêrmelding for Osøyro på Pent.no.